கண்ணன் என் குழந்தை - தாலாட்டு
மா மா மா
மா மா மா
வெண்ணெய் உண்ட வாயும்
விண்ணை அளந்தக் காலும்
குன்றைப் பிடித்தக் கையும்
கொஞ்சம் வலிக்கும் என்றே
அன்னை என்றன் மடியில்
அணைத்தேன் கண்ணை மூடி
கண்ணா நீயும் தூங்கு
கருணைக் கடலே தூங்கு!
கன்னம் சிவந்த சிறுவர்
கனவில் காணத் தூங்கு
மண்ணில் மாந்தம் வாழ
மழையைத் தந்தே தூங்கு
கண்ணை மூடிக் கொண்டால்
காணும் இருளைப் போல
எண்ணம் கொண்டோர் நெஞ்சை
எரித்தே நீயும் தூங்கு.
2 comments:
நல்ல கவிதை. வாழ்த்துகள். பெரியாழ்வார் படித்திருக்கிறீர்களா?
சிறிதே படித்திருக்கிறேன். மீண்டும் படிக்க வேண்டும்... வருகைக்கும் வாழ்த்துக்கும் நன்றி சார்..
Post a Comment